எயார் டெல் சுப்பர் சிங்கர் 4 உம் ஏகாதிபத்திய பங்குதாரர்களும் ....

உயிரினங்களும் சூழலும் சேர்ந்த எல்லாம் ஆன இந்த இயற்கை தன்னை தானே மாற்றிக்கொண்டு நகர்கிறது. இதை கூர்ப்பு என்று சொல்கிறார்கள். இந்த கூர்ப்பு நான், நீங்கள், நாய், வடை, பிள்ளையார் கோவில் மோதகம், பண்டா குளிர்பானம், அரசடி அரட்டை,  facebook. http protocol என்று எல்லாத்திலையும் அவதானிக்கலாம். இந்த மாற்றத்தை ஒரு படிப்படியான நகர்வாக நோக்க முடியும். ஒரு நிலையில் இருந்து மற்ற நிலைக்கு நகர்வதை 'தெரிவு' என்கிறார்கள். யார் தெரிவு செய்கிறார்கள் , எந்த முறையில் தெரிவு செய்கிறார்கள், யார் இதை கண்காணிக்கிறார்கள் / ஒழுங்கு படுத்துகிறார்கள்.

இது ஒரு சிக்கலான அமைப்பு என்றாலும், எல்லாருக்கும் தெரிந்த அமைப்புதான். எயார் டெல் சுப்பர் சிங்கர் 4 இல் இறுதிப் போட்டி தெரிவும் இந்த வகையினதுதான். கடந்த கொழும்பு மாநகரில் ஐ.தே.கா தெரிவு செய்யப்பட்டதும் இப்படித்தான்.  ஒபாமா கூட தெரிவு தான் செய்யப்பட்டார். 

பயன்பாட்டில் மூன்று வகை தெரிவு அமைப்புகளை காணலாம் ,

1. தேர்தல் - பெரும்பான்மை அபிப்பிராயம் 
2. நியமிக்கப்பட்ட நடுவர் ஆயமும் போட்டியும் - வல்லுநர் அபிப்பிராயம் 
3. பரீட்சை 

உலகெங்கிலும் உள்ள எல்லா மனித உருவாக்கங்களிலும் இருக்கிற மாதிரி மேற்சொன்ன தெரிவமைப்புகளும் ஆயிரத்தொன்பது சட்ட சிக்கல் கொண்டதுதான் - புதுசா ஒரு அமைப்பை சிந்திப்பதில் இலபமில்லை - தெரியாத கடாபியை விட தெரிந்த ராஜ பக்ஸ மேல் எனண்டதுதான் வியாக்கியானம். பொதுவா மனுவல் வாசிக்காம மருந்து சாப்பிடுறதும் மனுவல் வாசிக்காம ஏலெற்றிக்கல் சாமான்களை பாவிக்கிறதும் பழக்கமாகிட்டதால (முனுசாமி சொன்னது: அந்த கோதாரியை எவன் வாசிப்பான்- சும்மாவே இங்கிலீசு விளங்காது இதல பூதக்கண்ணாடி வச்சுத்தான் அதை வாசிக்க வேணும்) இந்த மாதிரி தெரிவு அமைப்புகளையும் அப்பிடியே எழுந்த மானத்தில பாவிச்சு பழகிட்டம். (கவுண்டமணி - டேய் கோமுட்டி தலைய பிரிண்ட் பண்ணி பெட்டிக்க வந்தாலே வாசிக்க மாட்டம்... இதல இதுக்கேல்லாம மனுவல் வாசிப்பம்.. நாங்கெல்லாம் யாரு.... )

பரீட்சை தெரிவு நாங்களெல்லாம் கடந்துவந்த கால்வாய் தான், நிறைய துன்பியல் நினைவுகளை கொண்டதுதான்.  படிச்சதை கேட்டா அதிர்ஷ்டம், படிச்சது நினைவிருந்தா சுக்கிர திசை, எழுதினதே சரி எண்டா சனிதா வாசனாவ - நீதான் முதலாம் பிள்ளை. பிட் அடிக்கிறதிலை எனக்கு அனுபவமில்லை ஆன எக்ஸாம் சென்டர்ல ஐங்கரன்ட கொஞ்சம் கேட்டேளுதின நினைவுண்டு - கீரிமலை தேவியின் பெயர் - சமய பாடம். மற்ற படி முன்னால இருக்கிற முனுசாமி பேப்பர் பாத்து நினைவுக்கு வந்த சில பதில்களை அதே முனுசாமி பேப்பர் பாத்து குழம்பினதில களிச்சிடலாம். (என்னைப் பார்த்து குழம்பின முனுசாமி - ரதீசனும் மடக்கையும் கதை தெரியாதவைக்கு தனியா சொல்லுறன் , இப்ப அது மட்டர் இல்லை) 

வைரமுத்து சிற்பிகளை செதுக்கு முயலும் போது (சிற்பியே உன்னை செதுக்குகிறேன் புத்தகத்தில்) எக்ஸாம் பற்றி ஒரு மனுவல் போட்டிருக்கிறார்... காதல் பற்றிக் கூட அதே புத்தகத்தில் மனுவல் உண்டு. அதில முக்கியமான பொயின்ட் என்னெண்டா

"மாணவரே இந்தக் கல்வி முறையில் தேர்வுதான் உன் அறிவைக்காட்டும் அடையாளம் என்றால் அதிலிருந்து நீ அங்குலமும் பின்வாங்காதே தேர்வு என்பது தேசிங்குராஜன் குதிரை. அதை நீ அடக்கி விட்டால் அது உனக்குப் பொதி சுமக்கும் கழுதை "

1. வேற வழியில்லை எக்ஸாம் எல்லாரும் எழுதியே ஆகவேணும் 
2. எக்சாமை பாஸ் பண்ணிட்டு அதை விமர்சனம் பண்ண விளை
3. எக்ஸ்சாம் பாஸ் பண்ணுறது சுலபம் பகுத்தலும் தொகுத்தலும் தான் டிரிக் இது எந்தப் பாடத்திற்கும் பொருந்தும்

ஒரு முழுமைக்காக இதைத் தொட்டாலும் எக்ஸ்சாம் பற்றின எக்ஸ்சாமினேசன் போதும் எண்டு நினைக்கிறன். 

நியமிக்கப்பட்ட நடுவர் ஆயமும் போட்டியும் - வல்லுநர் அபிப்பிராயம் 

பெரும்பாலான துணைப் பாட விதான மட்டர்கள் இப்படித்தான் அசெஸ் பன்னுறவை. நடுவர் எண்டு ஒருத்தரை கொண்டந்திருத்தீட்ட வேற வழியில்லை அவர் என்ன சொன்னாலும் கேட்டுத்தான் ஆக வேணும். பாவம் அவரும் மனுஷன் தானே.ரெண்டு சக்கை பெர்போர்மன்சில எது பெட்டர் எண்டு சொல்ல வல்லுநர் தேவை ரெண்டு சப்பை பெர்போர்மன்சில எது பெட்டர் எண்டு சொல்லவும் வல்லுநர் தேவை (வல்லுனர் ரொம்பப் பாவம்). ஆனா ஒரு சக்கை பெர்போர்மன்சும் ஒரு சப்பை பெர்போர்மன்சும் எண்டா அது ஈஸி.

உதாரணமா, விக்ரமா சூர்யாவா யாரு நல்ல நடிகர் எண்டா அது கொஞ்சம் சிக்கல் தான் - சப்ஜெக்டிவ் அபிப்பிராயம். (எவண்டா அவன் கருணாநிதி எண்டது ..என்னது அவர் ஒரு பெருங் கலைஞரா.. நான் இந்த ஆட்டத்திற்கு வரலை )

விக்ரமா saam andersana எண்டால் ஈஸி ......சாம் அண்டர்சனா power star Dr. Srinivasan ஆ எண்டல் அது மண்டை காயுற விஷயம் திரும்பவும் தனிப்பட்ட அபிப்பிராயத்துக்கு தள்ளப்படும்.

இதில இந்த வல்லுனர்கள் ஒரு scheme வைச்சு மார்க்ஸ் போட்டா என்ன ஆகும் ? scheme ல அடங்காத விடயங்களை அசெஸ் பண்ணுறதா வேணாமா. ஒரு லெவலுக்கு மேல அந்த வல்லுனரின் சொந்த அபிப்பிராயங்கள் தெரிவில செல்வாக்கு செலுத்தும்.

இதில வல்லுனர் தெரிவும் புள்ளியிடும் முறைமையும் (scheme) முக்கியம். புள்ளியிடும் முறைமை போட்டி நடத்துறவை தங்கட அறிவு + அனுபவம் கொண்டு அமைக்கிறது. ஆனா வல்லுனர் தெரிவு மிக முக்கியமானதொன்று ஒரு நல்ல பேச்சாளர் கட்டாயம் ஒரு நல்ல பேச்சுப்போட்டி நடுவர் எண்டு சொல்ல முடியாது இதான் மறுதலையும் எப்போதும் உண்மையல்ல. என்னதான் நல்ல நடுவர் சொன்ன தாயிருந்தாலும் அந்தத் தீர்ப்பிலையும் குற்றம் கண்டு பிடிக்கலாம்.

ஒரு சராசரி கிரிக்கெட் செலேக்டர் பெர்பெக்ட் ஓவ் டிரைவ் அடிக்கிற மகிலவை செலக்ட் பண்ணிடுவார் ஆன ஜெயசூரியாவை ஒரு நல்ல பட்ஸ்மன் என்டறிய வாட் மோர் மாதிரி what more எண்டு out of the box தின்க் பண்ண வேணும்.

ஒரு போட்டியை சுவாரசியப் படுத்திர விசயமே அதில இருக்கிற random influence தான். அதே random influence தான் தான் அதன் முடிவுகளிலை விமர்சனங்களை உருவாக்குது. நிற்க தேர்தல் முறைமை இதெல்லாத்திலும் பெரிய பகிடி. அது பற்றி நேரம் இருந்தா பிறகொருக்கா...

அதுவரை - ராமன் ஆண்டாலும் ராவணன் ஆண்டாலும் எனக்கொரு கவலை இல்லை.

ஆசை முகம் மறந்து போச்சே....I

ஆசை முகம் மறந்து போச்சே.... பாரதியார்

St thomas college debate tournerment debate எண்டால் எங்களுக்கு (குறிப்பா எனக்கும் கமிலசுக்கும்) இரண்டு குறிக்கோள் தான், ஒன்று discussion ல ஜெனவிண்ட பாட்டு, மற்றது அங்கத்த கான்டீன் கொத்து ரொட்டி. St johns டின் மில்க் டீயும் ரோல்சுக்கும் அடுத்ததா st thomas கொத்தை தான் சொல்லுவன். ஒண்டில் முகுந்தன் அண்ணாவை ஐஸ் பண்ணி வாங்குவம் இல்லாட்டி மீனி, ஏலாக் கட்டத்தில கலக்சன் தான். ஆனா எனக்கு மட்டும் ஒரு hidden agenda இருந்தது. இதுவரைக்கும் யாரிடமும் சொல்லாத அந்த 'முத்து சிமிக்கி' இரகசியத்தை இங்கே பகிர்கிறேன். இது பலருக்கு ஆச்சரியத்தையும் சிலருக்கு அதிர்ச்சியையும் தரலாம். எது எப்படியோ ஒரு முறை முடிவி செய்திட்டா என்ட பேச்சை நானே கேக்க மாட்டன். 

முதல் சுற்று எல்லா பள்ளிக்கூட விவாத அணிகளும் திரண்டிருந்தது. நாங்கள் பரி தோமா தமிழ் மன்ற தல ஓம்பியை கழட்டிக் கொண்டிருந்தம். எங்கள் கூட றோயல் அணித்தல கஜேந்திரன் - ஓம்பிரகாசிண்ட மச்சான், சக்தி F.M காண்டி - எப்பவும் கடி தாங்கும் இதயம்.  ஓம்பி அரக்க பரக்க எங்கட பக்கமா ஓடினா அவன கூப்பிட்டு கடிக்கிறது இல்லை எண்டா காண்டி. இந்த பரபரப்பில் வழமை போல் கஜன் இன்றைய ஸ்பெஷல் யாரெண்டு பெண் விவாத அணிகளை சீர் தூக்கி ஆராய்ந்து கொண்டிருக்கையில் (அதென்ன மாயமோ மந்திரமோ யார் செஞ்சாலும் அவன் தலையில தான் விடியிறது). என்னை யாரோ கவனிக்கிற உணர்வு ஆனா திரும்பி பார்த்தா யாரெண்டு செரியா தெரியேல்லை. நான் அவ்வப்போ கவனம் திரும்பிறதை ஜெனா தான் முதல நோட் பண்ணி சபைக்கு முன் வைச்சான். இவனுகள் வாயில விழுந்த ஒரு படமே எடுத்துடுவானுகள் அதிலையும் கமிலஸ் - கேக்கவே வேணாம் மெகா சீரியலே எடுத்திடுவான். கமிலஸ் அதை முழுசா கிண்டுறதுக்குளை ஓம்பி திரும்ப அந்தப் பக்கம் வந்து காப்பாத்தினான்.

என் முதுகில் ஊர்கின்ற கண்களை என்னால் உணர முடிகிறது. ஆனால் யாரெண்டு பார்கத்திரும்பிய போதெல்லாம் ஒரு தயக்கம், அரங்கில் இடையே நிறைந்திருந்த தலைகளும், கூட விருந்த நண்பர்களும் மேலும் தயக்கத்தை கூட்டி தடங்கலாயும் ஆனார்கள். முதன் முதலாய் நிறைய அணிகள் வந்ததிற்கு வருத்தப் பட்டேன். கடைசியா அந்தக் கண்களுக்கு சொந்தமான காதுகளை அடையாளம் கண்டு கொண்டேன். விருட்டெண்டு திரும்பியதில் ஆடிக் கொண்டிருந்தது அந்த முத்து சிமிக்கி. பெரு மூச்சும் பரபரப்பும் பின்னாலிருந்தே என்னால் அனுமானிக்க முடிந்தது. இந்த உலகத்தையே கவனியாது தோழியோடு கன நேரமாய் கதைப்பது போல நடிப்பதை அதீத கவனத்தோடு திருப்பாத தலை காட்டிக் குடுத்தது, பதட்டத்தை ஏறி இறங்கும் தோள்கள் பெரு மூச்சோடு ஆசுவாசப் படுத்த முயன்றது. காதலை களவு எண்டு சொன்னவன் பேர் தெரிஞ்சா ஒரு அருச்சனை, 108  தேங்காய், சீசீ கோயிலே கட்டலாம் எண்டு தோன்றியது.அந்த முத்து சிமிக்கி இன்னும் ஆடிக்கொண்டிருந்தது.

அவள் முன் பார்த்ததும் நான் பின் பார்த்ததும்

முன்னே வந்தென்னை காட்டச்சொன்னாள்...

நான் அபிரமிப்பட்டர் ஆகிக்கொண்டிருந்த அந்த தேவ கணத்தை ஒரு கரகர குரல் சுள்ளென நிறுத்தி நினைவுக்கு கொணர்ந்தது - ஓம்பி விவாத அணிகளை வரவேற்று போட்டி பற்றி காலகாலமாய் இருக்கும் நடை முறையை சொல்லத்தொடங்கினான். சின்னக் கண்களும் அளவான மூக்குகண்ணாடியும், அதன் மேலான பார்வையும் , உருண்ட தலையும், பருத்த கருத்த உடலும் , குழந்தை சிரிப்புமாய் அவன் பேசினால் வழமையாக ரசிக்கும் நான் அன்று அந்த மனநிலையில் இல்லை, நேரத்திற்கு ஆரம்பித்த போட்டியை சபித்தவாறே மெதுவாக நான் ஆகத் தொடங்கினேன். எடுத்த எடுப்பில் பரி பேதுரு அணியோடு போட்டி, சிக்கலான தலைப்பு எண்டதும் மீனி serious ஆயிட்டான் நாங்கள் குசி ஆயிட்டம் - வெண்டா கொத்து மீனி ஸ்பொன்சர் பண்ணும்.

பி.கு: 

1. "அவள் முன் பார்த்ததும் நான் பின் பார்த்ததும்..." -  இதல ஒரு சிலேடை இருக்கு முடிஞ்சா கண்டுபிடியுங்கோ.
2. இதில கற்பனை எவளவு கதை எவளவு எண்டு கேக்காதேங்கோ , கலையையும் கலைஞனையும் பிரிச்சுப் பார்க்கப் பழகவும்.

 இ.த.

என்னிடம் கேட்கக்கூடாத கேள்விகள்....

இந்த பீல்டில் ஸ்கோப் இருக்கா ?

அடிங் மவனே நான் என்ன சோசியக்காரனா ? நல்ல லென்சு போட்டு பாரு ஸ்கோப் கிடைச்சாலும் கிடக்கும் (இந்தக் கேள்வி கேட்ட பிறகு உன்னில இருந்த ஸ்கோப் போயுட்டுது)

எப்ப முடியுது ?

கலியாணத்தில இருந்து கல்லூரி, கக்கூசு வரைக்கும் இதே கேள்விதான், அடப் போங்க போஸ் போரடிக்குது...

நாயகன் பாணியில், அவனுகளை முடிக்க சொல்லு நான் முடிக்கிறான்....

நூறு எப்பிசோடு அப்புறம் ரீகப் அப்புறம் மறுபடியும் நூறு எப்பி சோடு மவனே மெகா சீரியல் எடுக்குறவன் முடிக்கட்டும் நான் முடிக்கிறான்.

செமி பைனல் அப்புறம் வைல்ட் கார்ட் அப்புறம் பிரீ பைனல் அப்புறம் மெகா பைனல் இந்த ரியாலிட்டி ஷோ பன்னுரனுவகளை நிறுத்த சொல்லு நான் நிருத்திறன்.

இப்ப ஐ.டி பீல்ட் பிக் அப் ஆயிட்டுதா ?

இதென்ன ஸ்கூட்டரா ? அட போங்க போஸ், நான் என்ன ஒபமாக்கே தெரியாது...

என்னதுல ரீ - சர்ச் பண்ணுற ?

ஆங்க, மண்ணாங்கட்டில.... ஏன் வெந்த புண்ணில வேல் பாச்சுறீங்க ?
do read{    அண்ணே இது புல் அண்ணே , (பாதி பிசிட்டு) இது half அண்ணை...
   மறுபடி இது புல் அண்ணே , (பாதி பிசிட்டு) இது half அண்ணை...
}while (உருப்படியா கேள்வி கேக்கும் வரை);

முடிச்சுட்டு என்ன பிளான் ?

நாலு எருமை மாடு வேண்டி அமெரிக்கன் பூட் போல் கோச் பண்ணலாம் எண்டு இருக்கிறன் அசிஸ்டன்டுக்கு ஆள் தேவை வருரியளா ?

முடிச்சுட்டு எங்க ?

நான் ஊருக்கு எண்டுவன், ஏன் இங்கே இருக்கலாமே நல்ல ஒப்பசுனிட்டி, அங்க லைப் சேவ் இல்லை , விலை ஏறிட்டுது எண்டு ஒரு லெக்சர் அடிக்கவே , அட அதே மாவு , வேறை ட்ரை பண்ணுங்க போஸ்... அதுசரி நாம எதோ ஜேசன் பௌர்ன் எங்க போட்டோ வை கயில வச்சிண்டு ஆளாளுக்கு அலையுரானுகள் சுடுறதுக்கு... அங்க கத்தரிக்காய் விலை ஏறினா இங்கை புரோக்கிலி விலை ஏறுது...

அங்க என்னத்துக்கு போறாய் ?

ஒரு கிளிஞ்ச உள்ளாடை விட்டுட்டு வந்துட்டான் , அதான் எடுத்துட்டு வரலாம் எண்டு...

மாடு செத்தா மனுசன் தின்னான் தோலை உரிச்சு மேளம் கட்டி
அடிடா அடிடா நாக்கு மூக்கா நாக்கு மூக்கா நாக்கு மூக்கா நாக்கு மூக்கா.....

அர்த்தமுள்ள வலைத்தளம் - I

Semantic Web - அர்த்தமுள்ள வலைத்தளங்கள் அடுத்த வலைத்தள சந்ததி என்று சில ஆண்டுகளுக்கு முன் ஆராய்ச்சியாளர்களால் பரவலாக கருதப்பட்ட அமைப்பு. அனால் இதன் எதிர் காலம் பற்றி பல்வேறுபட்ட சந்தேகங்களை இன்றைக்கு எழுப்புகிறார்கள். அனால் அதையும் மீறி இதன் எதிர்காலத்தை நம்பும் சிலர் இருக்குறார்கள்.

அர்த்தமுள்ள வலைத்தளங்கள் (semantic web) பற்றி ஒரு அறிமுகம் தருவதற்கு முன் வலைத்தளங்கள் எப்படி இயங்குகின்றன , அவற்றின் வரலாறு பற்றி தெரிந்து கொள்வது அவசியம்.

internet / இணையம் என்பதற்கும் வலைப்பின்னலுக்குமான (web) வேறுபாடு வயிரவருக்கும் நாயுக்குமிடயிலானது போல, எப்படி நாயை வயிரவர் என்று நினைத்து வணகுவோமோ அப்படி இந்த இரண்டையும் போதுமான அளவு குழப்பி அடிப்பார்கள்.

இணையம் என்பது கணணிகளின் தொடர்பாடலுக்கானஅமைப்பு (framework) மற்றும் அவை தொடர்பாட பயன்படுத்தும் (protocol) வரைவுடன்பாடு சேர்ந்த (system) அமைப்பு. இந்த அமைப்பின் மேலே இயங்கும் ஒரு சேவை தான் வலைத்தளங்கள். மின்னஞ்சல் (ஈ-மெயில்), கோப்பு தரவேற்றம் மற்றும் தரவிறக்கம் (file uploading and downloading: ftp), தட்டி உரையாடல் (chatting), இணைய வழி தொலை தொடர்பாடலும் தொலைக்காட்சியும் (VOIP & IP-TV) போன்றவை ஏனைய இணைய சேவைகள்.

உலகளாவிய வலைப்பின்னல் WWW என்பது இணைய வழியாக http எனும் தொடர்பாடல் வரைவின் (protocol) வழி இணைக்கப்பட்டுள்ள (documents, audio, photos, and vedio) கோப்புகள் + தரவுப் பத்திரங்கள் , ஒலி, படங்கள் (புகை மற்றும் வரை ), சலனப்படங்கள் ஆகும். இணைய உலாவி / browser என்பது http வரைவைப் (protocol) புரிந்துகொண்ட உலகெங்கும் இணையத்தோடு இணைந்திருக்கும் இந்த வகைவகையான தரவுகளை உங்கள் பார்வைக்கு பகிரும்.

நவீன வலைப்பின்னல் அமைப்பில் ஒரு இணையப்பக்கம் (webpage) என்பது பல்வேறுபட்ட தரவு அலகுகளை (web resource) சேர்த்து தருகின்றது. ஒவ்வொரு தரவு அலகும் இணைய பக்கம் உட்பட தனித்து URL எனும் தனித்த-தரவு-அடையாளம் மூலம் அடையாளப்படுத்தபடும். இன்றைக்கு ஒவ்வொரு இணையப்பக்கமும் ஒரு தொகை இணையத்தரவலகுகளை (web resource) அதற்குரிய URL மூலம் குறித்து நிற்கும். இந்த இணையத்தரவலகுகளை இணைக்கும் போது இணையப்பக்கம் ஒரு சொல் அல்லது சொற்றொடர் வழியாக இணைத்திருக்கும். இந்த சொல் / சொற்றொடர் உலகளாவிய வலைப்பின்னல் தேடல் சேவைகளால் லாகவமான முறையில் பயன் படுத்தப்படுகின்றன. ஆயினும் இந்த சொல், அது குறித்து நிற்கும் URL, அந்த தரவுகாட்டியால் (URL) அடையாளப்படுத்தப்படும் இணையத்தரவு (web resource) என்பவற்றுக்கிடையிலான உறவு தெளிவானதல்ல. உதாரணமாக இங்கே சொடுக்கவும் (click here) எனும் சொற்றொடர் மூலம் இணைக்கப்பட்ட இணையத்தரவு (web resource) பற்றி 'இங்கே சொடுக்கவும்' எனும் வார்த்தை கொண்டு எதையும் அனுமானிக்க முடியாது.

இணையத்தில் கொட்டிக்கிடக்கும் கோடானகோடி இணையத்தரவு (web resource) களின் நம்பகத்தன்மை பற்றிய விவாதத்தை கொஞ்சம் ஒதிக்கி வைத்துவிட்டு , இந்த பரந்துபட்ட தகவல் திரட்டை வினைத்திறனுடன் பயன்படுத்த தற்போதைய வலைத்தள அமைப்பில் உள்ள குறை பாடுகளையும் அதற்கான நிவர்த்திகளையும் தேடலாம். html எனும் வரைவுக்கிணங்க கோர்க்கப்பட்டுள்ள இணையப் பக்கங்கள் http எனும் வரைவுக்கிணங்க பரிமாறப்படும். இணைய உலாவிக்கு http வரவுக்கிணங்க தொடர்பாடி html மொழியை / வரைவை புரிந்து நமக்கு பரிமாறும்(render). இந்த அமைப்பில் தரவுகளை அச்சுக் கோர்ப்பது போல் கோர்க்க (render) html உதவினாலும் மென்பொருள் ஒன்று இந்த தரவுகளை புரிந்துகொள்ள வழியில்லை.தேனுக்கு உள்ளேயே கிடந்தது ஊறி பரிமாறினாலும் அகப்பை அதன் சுவை அறியாது என்பது போல, இணைய உலாவிக்கு தரவு -> தகவல் -> அறிவு பற்றிய புரிதல் இல்லை.

உலக வலை எங்கும் சிக்கி தவிக்கும் தகவல் மீன்களை கணணிகளே பிரித்து , ஆய்ந்து , கொய்து, பொரித்து, குழம்பு வைத்து பரிமாற வழியில்லை. Fried rice செய்யுற அறிவையும் புட்டவிக்கும் அறிவையும் சேர்த்து நவீனமாக புட்டு-கொத்து வந்தது போல கணணிகளும் இந்த வலைத்தள தரவுகளை கிரகித்து அறிவாக்குமா எனும் கேள்விக்கு அர்த்தமுள்ள கணித்தல் (semantic computing) மற்றும் வலைப்பின்னல் பெரு வெளியில் இணைந்த தரவுகள் சேர்ந்த அர்த்தமுள்ள வலைத்தளம் எனும் கருத்தியலை பதிலாக வைக்கிறார்கள் சிலர், ஆனால் சிலர் அதன் எதிர்காலத்தையும் நடைமுறை உசிதத்தையும் பலமாக சந்தேகிக்கிறார்கள்.

அர்த்தமுள்ள வலைத்தளம் நடைமுறையில் உள்ள http வலைத்தளங்களை பிரதியீடு பண்ணப் போவதில்லை, மாறாக அடுத்த கட்டத்திற்கு நகர்த்துவதே அதன் இலக்கு. வலைத்தளங்களில் கணனிக்கு புரியும் வகையில் தரவைப் பதியின் அந்த வலைத்தளங்களை அர்த்தமுள்ள வலைத்தளங்கள் எனலாம் - semantic web.

Artificial intelegince செயற்கை அறிவாற்றல் ஆராய்ச்சியாளர்கள் அறிவை பதிவதற்கு சிக்கலான வரைபட அமைப்பிலான (graph structure) தரவு-அமைப்பொன்றை (data-structure) உபயோகப் படுத்துகின்றனர். ontology / சொல்லரி எனப்படும் இந்த தரவமைப்பில் வேறுபட்ட வினைத்திறன் (effiency), வெளிப்படுத்துமாற்றல் (expresiveness) போன்ற பல பரிமாணங்களில் வேறுபட்ட implementations செயன்முறைகள் உள்ளன. அவை பற்றி நேரமிருந்தால் பிறகு பார்க்கலாம்......